စတိတ်နေ့ရက်များ(၁၇) by ko myat shein

စတိတ်နေ့ရက်များ(၁၇)
၈တန်းအရောက်မှာ လံကွပ်တီ မ၀တ် ၊မျက်မှန်ဝိုင်း မတပ်၊အဟိံသ လမ်းးစဉ်
မကျင့်၊ဆားမချက်တဲ့ မဟုတ်သရုပ် ဂန္ဒီနဲ့ အပေါင်းအသင်း ဖြစ်ခဲ့ရတယ်။
တကယ်တော့ သူ့နာမည်ရင်းက သန်းနိုင်ပါ။ ဒါပေမဲ့ မဟုတ်သရုပ်မှာ ပီပြင်လွန်းတော့ အားလုံးက သူ့ကို မဟုတ်သရုပ် ဂန္ဒီလို့ မှည့်ခေါ်ကြတယ်။
ကမ္ဘာ့သမိုင်းမှာ အန္ဒိယ လွတ်လပ်ရေး ဖခင်ကြီး မဟတ္တမ ဂန္ဒီ အကြောင်း သင်ကြားရတိုင်း တစ်ခန်းလုံးမှာ တစ်ယောက်တည်းရှိတဲ့ ဟိန္ဒူလူမျိုး သန်း
နိုင်ကို "မင်းတစ်ကိုယ်လုံးမှာ ဂန္ဒီ နဲ့တူတာဆိုလို့ အသားမည်းတာ တစ်ခုပဲ ရှိတယ်"လို့ ကျွန်တော်တို့က နောက်ပြောင်လေ့ ရှိပါတယ်။ ဒီငတိက ဇာတ်နိမ့်လား ဇာတ်မြင့်လား သူကိုယ်တိုင် မသိပေမဲ့ ဘ၀င်တော့ တော်တော် မြင့်တဲ့ကောင်။ အထူးသဖြင့် မဟတ္တမ ဂန္ဒီနဲ့ အသား
မည်းတာခြင်း တူတယ်လို့ အတင်စား ခံရတဲ့အချိန်က တည်းကပေါ့။တစ်ခါက စိုးသန့်က ဒီလောက် ဘ၀င်မြင့်တဲ့ ကောင်မှတ်လောက် အောင် ပညာပေးလိုက်မယ် လို့ ကျောင်းလွတ်ခါနီးမှာ မဟုတ်သရုပ် ဖိနပ်ကို သွားဝှက်ထားလိုက်တယ်။
ဂန္ဒီကြီး လိုများ ကိုယ့်အတွက် အသုံးမ၀င်တော့တဲ့ ဖိနပ်တစ်ဖက် ကို ကောက်ရတဲ့သူ အကျိုးရှိအောင်များ အခန်းပြင်ကို လွှင့်ပစ်မလားလို့ပေါ့။
ဘာပြောကောင်းမလဲ။မဟုတ်သရုပ်ကြီး ပါးစပ်က ပွစိပွစိ နဲ့ စိုးသန့်ကို
ဆီမန်းမန်း သလို ကျိန်ဆဲနေလိုက်တာများ...
"ငါ့ဖိနပ် ၀ှက်ထားတဲ့ကောင် ချီးကားတိုက်သေပါစေ"
"ငါ့ဖိနပ် ၀ှက်ထားတဲ့ကောင် နောက်ဘ၀မှာ ချီးစားခွေး ဖြစ်ပါစေ"
"ဒီကောင်မှာနှမရှိရင် နှမ၊ ရည်းစားရှိရင် ရည်းစား ငါနဲ့ ညားပါစေ" တဲ့။
နောက်ဆုံးမှာ စိုးသန့်လို ငတိကတောင် တောင်းတောင်းပန်ပန် နဲ့ မဟုတ်သရုပ် ကြီးရဲ့ ဖိနပ် ပြန်ယူပေး ရတယ်။ သူ့မှာက ညီမတွေ အများကြီး
ရှိတာကိုး။ အလားတူပဲ အမည်ကြောင့် နောက်ပြောင် ခံရသူတွေ ရှိပါသေးတယ်။သူ့နာမည်က "လွင်လွင်စီ"ပါ။ဝိဇ္ဖာ/သိပ္ပံ မခွဲတဲ့ စနစ်ဟောင်း
ကိုးတန်းမှာ ကျွန်တော်တို့ Phy+Chemကို တစ်ဘာသာ သင်ရတယ်။ Chemဆရာမက ကျော်မိုးရှိန် တို့အမေ ဒေါ်ကြည်ကြည်ပါ။ဆရာမ အချိန်ရောက်တိုင်း Chem Equa တွေကို ဗေလင်စီ ညှိကြ လို့ ဆရာမက ပြောလိုက်တိုင်း ကျွန်တော်တို့က သံသေးသံကြောင်နဲ့ လွင်လွင်စီ
ညှိမယ်လို့ လိုက်နောက်ပြောင် တတ်ပါတယ်။ ဒါကြောင့် Chemistry အချိန်ရောက်တိုင်း လွင်လွင်စီ တစ်ယောက် နှင်းဆီဖူးလေးလို နီရဲနေတဲ့
သူ့သန္တာရောင် နှုတ်ခမ်းလေးကို တင်းနေအောင် စေ့ထားပြီး ကျွန်တော်တို့ နောက်ဆုံးတန်းကို မျက်စောင်းတခဲခဲနဲ့။
အထက(၃)မှ သူငယ်ချင်းများကို သတိရလျက် ။ ။