`စတိတ်နေ့ရက်များ(၄)´ by ko myat shein

`စတိတ်နေ့ရက်များ(၄)´
စုစုပေါင်း ကျောင်းသား ၅၁ ဦးရှိတဲ့ ကျွန်တော်တို့ န၀မတန်း(c)ရဲ့ တန်းစီဇယားမှာ ထိပ်ဆုံးသုံးသင်း
ရှိတယ်။
(၁)မြတ်ရှိန်
(၂)၀င်းဇော်(ဘိန်းစား)
(၃)မျိုးညွန့်(နှပ်ချေး)တို့ဖြစ်ကြပါတယ်။ဒီသုံးဦးကို ဆရာတွေက အခုလိုပညတ်ပါတယ်။ပြုတ်မနူးကိုယ်တော်တွေ´တဲ့။ဘယ်လပတ်အစမ်း စာမေးပွဲ ပဲဖြေဖြေ ပြုတ်မနူး ကိုယ်တော်တွေက
တော့ ဇယားအောက်ခြေ ဒုတ်ဒုတ်ထိ ရောက်နေတာက များပါတယ်။ဒါအပြင် ဘယ်ဆရာစာမေးမေး
ပြုတ်မနူးတွေကတော့ တစ်တန်းလုံးထက် နှာတစ်ဖျား၊ဆံချည်တစ်မျှင်၊ ခေါင်းတစ်လုံး တင်မက
တစ်ကိုယ်လုံး မြင့်နေတာက များတယ်။ခုံပေါ်တက်မတ်တပ်ရပ်နေရ တာကိုဆိုလိုတာပါ။
အဲ...မဟုတ်မဟတ် ကြံစည်ရာမှာတော့ ကျွန်တော်တို့ သုံးဦးဟာ သဘာဝခေါင်းဆောင်တွေပါပဲ။
ဥာဏ်နီ ဥာဏ်နက်တင်မက ဥာဏ်ပြာ ဥာဏ်ဝါတွေပါထွက်တယ်။ကျောင်းပြေးနည်းပေါင်းစုံကိုဆရာမရှိဘဲ အလိုလို တတ်မြောက်ကြတယ်။ရည်းစားစာ အငှါးရေးပေးတယ်။ လက်ဖက်ရည်တစ်ခွက် တိုက်ရင် ရီပို့ကတ်မှာ လက်မှတ်တု ထိုးပေးတယ်။မိဘ အခေါ်ခံရတဲ့ ငတိတွေကို စံဟိုင်းဆံသ ကဆံပင်ညှပ်ဆရာ ဦးမောင်ဝင်းနဲ့ဆက်ပေးတယ်။အဲ...ဆရာတို့မည်သည် စာအတော်ဆုံး တပည့်တွေနည်းတူ အဆိုးဆုံးတပည့်တွေကိုချစ်စမြဲမို့
ကျွန်တော်တို့ပြုတ်မနူးသုံးဦးကို စာတော်တဲ့ ကျော်မိုးရှိန်၊သန်ဦး၊တိုးတိုးလွင်တို့နည်းတူ ချစ်ခင်ဂရုစိုက်ကြပါတယ်။ စတိတ်ကျောင်းသားဘ၀ တစ်လျှောက် မှတ်မှတ်ရရ အရှိဆုံး ဆရာမ
တစ်ဦးကတော့ ၁၀တန်း(D)အတန်းပိုင်ဆရာမ ဒေါ်နုနုကြည်(ယခုကွယ်လွန်)ပါပဲ။ဆရာမဟာ
စာတော်တဲ့ကျောင်းသားတွေထက် ကျွန်တော်တို့လို ဆိုးတဲ့ကျောင်းသားတွေကို ပိုချစ်ခင်ဂရုစိုက်ပါတယ်။ သားဆိုးမိခင်လို ကျွန်တော်တို့အနွံအတာခံပါတယ်။စာမေးပွဲနီးရင် အိမ်မှာစာခေါ်သင်ပေးပြီး ရှိသမျှ မုန့်အကုန်ချကြွေးတော့တာပါပဲ။ဒါတွေအပြင် ဆရာမဟာ ကျွန်တော်တို့ကို ဘယ်သောအခါမျှ ဆဲဆိုကြိမ်းမောင်းခြင်း မရှိသလို ဘယ်သောအခါမျှ ကြိမ်းလုံး
ကိုင်လေ့မရှိပါဘူး။ဆရာမဟာ ကျောင်းစာသင်ခန်းကို လယ်ကွင်းလို့သဘောမထားသလို တပည့်တွေကိုလည်း ထွန်တုံးတင်ထားတဲ့ နွားတွေလို ကြိမ်နဲ့ မောင်းမှရမယ်လို့ယူဆပုံမရပါဘူး။ဒီအပြင် ဆရာမဟာ သူ့ကိုယ်ရေးကိုယ်တာကိစ္စ တွေကို ကျောင်းစာသင်ခန်းထဲ ယူမလာသလို
သူ့တပည့်တွေရဲ့ စာသင်ခန်း ပြင်ပက ကိုယ်ရေးကိုယ်တာကိစ္စတွေကို တတ်နိုင်သလောက် ၀င်ရောက်ဖြေရှင်းပေးလေ့ရှိပါတယ်။အခုတော့ကျွန်တော်တို့ဆရာမ ကွယ်လွန်ခဲ့ပါပြီ။ဒါပေမဲ့
ကျွန်တော်တို့မှတ်ဥာဏ်ထဲမှာရော၊ နှလုံးသားထဲမှာပါ ဆရာမဟာ ထာဝရ.....။